საპარლამენტო უმრავლესობის წევრი დიტო სამხარაძე facebook-ის პირად გვერდზე სტატუსს აქვეყნებს, სადაც ეროვნული ნაკრების წარმატებებსა და საზოგადოების განწყობაზე საუბრობს:
,,უსამშობლო აგენტების და ,,ნაცების” დადგმულ ვიდეოებს ვუყურე, ვითომ რომ გულშემატკივრობენ საქართველოს ფეხბურთის ეროვნულ ნაკრებს! კომპლექსი აქვთ, იციან ხალხს არ სჯერა მათი გულწრფელი მხარდაჭერის ჩვენი ფეხბურთელების მიმართ და რომ დაამტკიცონ ერთგულება, ვიდეოებს იღებენ, დაყენებული სიხარულით და ხელოვნური ოვაციებით!
როდესაც არ გულშემატკივრობ საქართველოში 9,6%-იან ეკონომიკურ ზრდას, ათასობით განხორციელებულ პროექტებს! იმას, რომ შენი ქვეყანა ყველა კანდიდატობის წევრ სახელმწიფოზე ბევრად წინ არის! მხარს არ უჭერ გარყვნილების პროპაგანდის აკრძალვას, ქვეყნის სუვერენიტეტის გამყარებისთვის გადადგმულ ყველა ნაბიჯს რუსულს ეძახი! გიხარია ქვეყანაში უბედურება რომ ხდება და ხარ სტიქიის მხარეს! ტრაგიკულად დაღუპული ადამიანების ცხედრებს იყენებ პოლიტიკური ქულების მოსახვეჭად და გინდა ბომბები ცვიოდეს საქართველოს ციდან და ბოლოს, ჩვენი ნაკრების ფეხბურთელებს პოლიტიკურ დაპირისპირებაში, ბულინგით, და-ძმის დაყოლიებით რომ დააწერინებ სტატუსებს, როდესაც პირველად ისტორიაში გუნდი ევროპის ჩემპიონატზე მოხვდა და შეეცდები ნაკრებში, ბიჭებში დაპირისპირება შეიტანო, მითუმეტეს ვერ იქნები საქართველოს, ქართული ფეხბურთის და გმირი ბიჭების მხარდამჭერი!
ასეა ეს და იცით თქვენც რომ სიმართლეს ვწერ! იმიტომ იღებთ ვიდეოებს და კეკლუცობთ ჩვენი ბიჭების თამაშის დროს!”, – წერს დიტო სამხარაძე.
ავტორი
ნინი ხიჯაკაძე
