“სასწაული ემოციებია, ვნახე ვიდეოები, რაც საქართველოში ხდება და ჩემთვის არის სასწაულად სასიხარულო, რომ ბურთის თამაშით ესეთი სიხარული მოვუტანოთ ჩვენ ჩვენს ქართველ ხალხს” – გიორგი ქოჩორაშვილი

საქართველოს ეროვნული ნაკრების ფეხბურთელი, გიორგი ქოჩორაშვილი პორტუგალიასთან მატჩში გამარჯვების შემდეგ სპორტულ ჟურნალისტებთან კომენტარს აკეთებს:

,,სასწაული ემოციებია, ვნახე ვიდეოები, რაც საქართველოში ხდება და ჩემთვის არის სასწაულად სასიხარულო, რომ ბურთის თამაშით ესეთი სიხარული მოვუტანოთ ჩვენ ჩვენს ქართველ ხალხს.

• ჟურნალისტის შეკითხვა: შენ რას გრძნობ? საუკეთესო ბომბარდირი – ქართველი, საუკეთესო დრიბლიორი – ქართველი, საუკეთესო მეომარი – ქართველი, საუკეთესო მეკარე – ქართველი. შენი კომენტარი?

მაგრები ვართ, მეტი არაფერი…

ესპანეთი ძალიან მაგარი გუნდია, ყოველთვის ფავორიტია, ყველა ტურნირზე, რომელსაც თამაშობს. შევეცდებით, რომ ძალები აღვიდგინოთ კარგად, 90 წუთი ვითამაშეთ, წინ არ ვიცით რა გველოდება – 90 ან 120 წუთი. ამიტომ მზად უნდა ვიყოთ, რომ ვიბრძოლოთ ისევ ისე, როგორც დღეს ვიბრძოლეთ, ბურთით იქნება თუ უბურთოდ, ჩვენი მაქსიმალური დონე დავანახოთ მსოფლიოს’’, – განაცხადა გიორგი ქოჩორაშვილმა.

ავტორი
მარიამ ხაჩირაშვილი