“ქვეყანაში მიმდინარე პროცესების ფონზე და ახალგაზრდების ამდენი ბრძოლის შემდეგ, ჯერი ახლა სრულად არის პოლიტიკურ პარტიებზე” – ანა მოსაშვილი

,,სტრატეგია აღმაშენებლებლის’’ წევრი ანა მოსაშვილი სააგენტო ,,პარალელთან’’ ინტერვიუში საუბრობს პოლიტიკურ პროცესებში ახალგაზრდების ჩართულობასთან და შესაბამისად პარტიების  გაახალგაზრდავებასთან დაკავშირებით:

• ახალგაზრდებთან დაკავშირებით რა მიგაჩნიათ მნიშვნელოვნად?

– ქვეყანაში მიმდინარე პროცესების ფონზე და ახალგაზრდების ამდენი ბრძოლის შემდეგ, ჯერი ახლა სრულად არის პოლიტიკურ პარტიებზე. ახლა არის პოლიტიკური პარტიების გასაკეთებელი. დღეს ცხადზე ცხადია საზოგადოების მიზანი და ამ მიზნამდე მისაღწევად, პოლიტიკურ პარტიებს საზოგადოება ეუბნება, რომ პირველი – გვჭირდება დავინახოთ რეალური ერთიანობა და მეორე – განახლდით, დაგვანახეთ სიახლე და ახალი სახეები.

ძალიან ბევრ პატრიოტ და მართლაც საამაყო ახალგაზრდას ვიცნობ, რომლებიც წარმოადგენენ სხვადასხვა პოლიტიკურ პარტიას და ამ პარტებმა სწორედ ჯერ საკუთარი რიგებიდან უნდა დაიწყონ ახალგაზრდების წამოწევა და ამით უნდა დაიწყონ გაახალგაზრდავება.

დღემდე ძირითადად ამაზე საუბარი გვესმის და მე ძალიან დიდი იმედი მაქვს, რომ სიტყვა მალე იქცევა საქმედ, მალე დავინახავთ როგორ გაახალგაზრდავდებიან პოლიტიკური პარტიები.

ავტორი
მარიამ ხაჩირაშვილი