“მოტივირებული ვარ და იმის თქმა შემიძლია, რომ ოცნებები ხდება” – ხვიჩა კვარაცხელია

ეროვნული ნაკრების ფეხბურთელი, ხვიჩა კვარაცხელია ემოციურ კომენტარს აკეთებს პორტუგალიის ნაკრებთან თამაშის დაწყებამდე:

,,ჩემი აზრით ყველაფერი შესაძლებელია. სადაც 1% გაქვს შანსი, ის შანსი აუცილებლად უნდა გამოიყენო. ჩვენც ვემხადებით და ვეცდებით რომ მაქსიმუმი გავაკეთოთ.

ღელვას არ ვგრძნობ, პირიქით – ბედნიერი ვარ. იმიტომ, რომ ვოცნებობდი რონალდოსთან ერთად რომ მეთამაშა.

ბოლოს უკვე რონალდოც ასაკშიც არის, ევროპაშიც აღარ თამაშობს. ისე დაემთხვა, რომ ჩვენს ჯგუფში მოხვდა.

ძალიან ბედნიერი ვარ თამაშით პირიქით, მოტივირებული ვარ და ალბათ, იმის თქმა შემიძლია, რომ ოცნებები ხდება.

იმედია, რომ თამაშიც ჩვენს სასიკეთოდ დასრულდება და კრიშტიანუს მაისურიც ჩემკენ წამოვა“, – განაცხადა ხვიჩა კვარაცხელიამ.

ავტორი
ნინი ხიჯაკაძე