საქართველოს სახალხო დამცველმა, ლევან იოსელიანმა კლინიკა “ვივამედში”, სხვა პატიმრებთან ერთად, მიხეილ სააკაშვილიც მოინახულა, რის შემდეგაც კომენტარი გააკეთა ჟურნალისტებთან:
“წელიწადში ერთხელ, მინიმუმ, მივდივარ ყველა პენიტენციურ დაწესებულებაში, სადაც მე თვითონ ვნახულობ მსჯავრდებულებს და შესაბამისად, ეს ვიზიტიც ამას ემსახურებოდა.
[მიხეილ სააკაშვილმა] მადლობა გადაგვიხადა სახალხო დამცველის აპარატს, რომ მთელი წლის განმავლობაში ვამონიტორინგებდით მის მდგომარეობას და საზოგადოებას ვაწვდით ამის შესახებ ინფორმაციას.
რაც შეეხება მის გადაყვანასთან [საპატიმრო დაწესებულებაში], ეს საკითხი დღის წესრიგში საერთოდ არც დამდგარა.
თუ შევადარებთ წინა ვიზიტის დროს ფიზიკურად როგორიც დამხვდა მიხეილ სააკაშვილი, იმასთან შედარებით, რა თქმა უნდა, ბევრად უკეთ არის“, – განაცხადა ლევან იოსელიანმა.
ავტორი
მარიამ ხაჩირაშვილი
