მარადიულ ქალაქ რომში, ოქროს მედლით და საქართველოს ჰიმნით დაასრულა ასპარეზობა გორელმა ფალავანმა – გენო პეტრიაშვილმა. მსოფლიოს სამგზის ჩემპიონმა ფინალურ ბლოკში პოლონელი რობერტ ბარანი დაამარცხა და მეორედ იზეიმა ევროპის ჩემპიონობა.
რაც შეეხება მედალოსნებს: ბექა ლომთაძემ (61კგ) ოქროს ფინალი რუს მოჭიდავესთან დათმო და ვერცხლის მედალი მოიპოვა.
წინა წლის შედეგი გაიმეორა ავთანდილ კენჭაძემ და ბრინჯაოს ფინალში ბულგარელი მიროსლავ კიროვი წმინდად დაამარცხა.
საერთო გუნდურ ჩათვლაში ჩვენმა ნაკრებმა 95 ქულია მოიპოვა და რეიტინგში მესამე ადგილი დაიკავა.
ავტორი
ანა თათანაშვილი
