მიუნჰენის უსაფრთხოების კონფერენციაზე, ფეისბუკის დამფუძნებელმა და გენერალურმა დირექტორმა, მარკ ცუკენბერგ სოციალურ ქსელებში დეზინფორმაციის გავრცელების მზარდ ტენდენციაზე გაამახვილა ყურადღება:
“ყველამ დავინახეთ, რომ 2016 წელს “ბრექსიტისა” და აშშ-ში საპრეზიდენტო არჩევნების გაშუქებისას, გულახდილად რომ ითქვას, ჩვენ თავიდან ვერც კი გავიგეთ, თუ ქსელში რა საინფორმაციო ოპერაციებს ახორციელებდნენ რუსეთი და სხვა ქვეყნები. მას შემდეგ ჩვენი ტაქტიკა შეიცვალა და 200-ზე მეტ არჩევნებში, პოლიტიკური ცხოვრებისა და საარჩევნო სისტემების ხელუხლებლობის დაცვის მხრივ, ჩვენი როლი შევასრულეთ.
ქვეყნებმა თავიანთი წვლილი უნდა შეიტანონ ინტერნეტ-რეგულირებაში, რათა მომხმარებლის თავისუფლებასა და მათ უსაფრთხოებას შორის წონასწორობა იყოს დაცული.
კონტროლი კი საჭიროა მინიმუმ 4 სფეროში: საარჩევნო პროცესში, პოლიტიკურ დისკუსიებში, მონაცემთა დაცვასა და მის გავრცელებაში,” – განაცხადა მარკ ცუკენბერგმა.