პარტია ,,ქართული ოცნების” დამფუძნებელმა და საპატიო თავმჯდომარემ, ბიძინა ივანიშვილმა მილიონ ფუნტად შეიძინა „კრისტის“ აუქციონზე იოანე ზოსიმეს ხელნაწერი სინას მთის კოლექციიდან (V-VII საუკუნეები) არამეულ და ქართულ ენებზე, რომელიც საჩუქრად ეროვნულ მუზეუმს გადაეცემა.
აღნიშნულ ფაქტთან დაკავშირებით, პარლამენტის ვიცე-სპიკერმა, ნინო წილოსანმა ბიძინა ივანიშვილს Facebook-ის პირად გვერდზე სამადლობელი სტატუსი მიუძღვნა:
,,მანამ, სანამ ქვეყნის მტრებმა გადაგვიყვანეს დისკუსიაში, თუ რომელი საუკუნის ხელნაწერია, რაც ასეთი ადვილად გასარკვევი ფაქტია, თანაც აუქციონს თავად აქვს ინფორმაცია მიწერილი – სინას კრებული შეიქმნა V-VII საუკუნეებში, ხოლო იოანე ზოსიმეს ხელნაწერი ჩაემატა მეათე საუკუნეში…
არ დაგვავიწყდეს, რომ ბიძინა ივანიშვილმა კიდევ ერთი ფანტასტიური ქველმოქმედება გაგვიკეთა, შეიძინა და ქვეყანაში დააბრუნა ჩვენი კულტურული მემკვიდრეობა.
მავნებლებს კი ამ პრიმიტიული პიარ სვლით უნდოდათ გადაეფარათ ფაქტი, რომ საქართველოს რეალობაში ერთადერთი ფინანსურად შეძლებული ადამიანი, ვინც ქვეყნის ინტერესებისთვის ყოველთვის, ყველაფერს აკეთებს არის ბიძინა ივანიშვილი”, – წერს ნინო წილოსანი.
ავტორი
ნინი ხიჯაკაძე
