ბავშვთა ონკოჰემატოლოგიის საერთაშორისო დღესთან დაკავშირებით “ახალი საქართველოს” თავმჯდომარემ, გიორგი ვაშაძემ ონკოლოგიურ ცენტრთან დაკავშირებით ისაუბრა და განმარტა, რომ სახელმწიფოს უნდა ჰქონდეს აღნიშნულ დაავადებასთან ბრძლოს კოპლექსური სტრატეგია.
ვაშაძეს თქმით, დაფუძნებული “ონკოლოგიის მართვის ცენტრის” ქართველ და უცხოელი ექიმებთან კოორდინაციაში მოამზადებს და წარადგენს ონკოლოგიურ დაავადებებთან ბრძოლის კომპლექსური სტრატეგიის პირველად დოკუმენტს, რომელსაც გამოიტანენ საზოგადოებრივ განხილვაზე:
„დღეს ბავშვთა ონკოჰემატოლოგიის საერთაშორისო დღეა, ჩავაბარეთ სისხლი, მოვინახულეთ ბავშვები, რომლებიც მკურნალობის კურსს გადიან. მთავარი არის, რომ სახელმწიფოს უნდა ჰქონდეს ონკოლოგიურ დაავადებებთან ბრძოლის კომპლექსური სტრატეგია.
ჩვენ დავაფუძნეთ “ონკოლოგიის მართვის ცენტრი” და 29 თებერვალს წარვადგენთ კომპლექსური სტრატეგიის პირველად დოკუმენტს, რომელიც სამწუხაროდ დღეს საქართველოში არ არსებობს. დოკუმენტს, რომლის მომზადებაში ჩართულები არიან ქართველი და უცხოელი ექიმები, საზოგადოებრივ განხილვაზე გამოვიტანთ, იმიტომ რომ კიბოსთან და სიმსივნურ დაავადებებთან ბრძოლა – ეს უნდა იყოს ჯანდაცვის სისტემის ნომერ პირველი ამოცანა, იმდენად მძიმე დაავადებაა და დიდ საფრთხეს გვიქმნის ჩვენ.
ევროპასთან მიმართებაში დაგვიანებული გამოვლენა არის 2-ჯერ, 3-ჯერ უფრო ცუდ პოზიციებზ და შესაბამისად ამას სასწრაფოდ მიხედვა სჭირდება.
კომპლექსური მიდგომა, რომ ადამიანები სანამ დაავადდებიან, მანამდე მოვახდინოთ პრევენცია. ადრეულ ეტაპზე მოხდეს გამოვლენა, რომ გავუფრთხილდეთ ადამიანების სიცოცხლეს,“ – აცხადებს გიორგი ვაშაძე.