,,ერთიანი ნაციონალური მოძრაობის” ახალგაზრდული ორგანიზაციის ხელმძღვანელი და პარტიის პოლიტსაბჭოს წევრი იგორ ნარმანია, სააგენტო ,,პარალელთან” ინტერვიუში საუბრობს, გამართული საქველმოქმედო კონცერტის მეშვეობით, დაჯარიმებული და პატიმრობაში მყოფი საპროტესტო აქციის მონაწილეების მხარდაჭერის მნიშვნელობისა და სამოქმედო გეგმის შესახებ:
- ახლა როცა კანონი მიღებულია და პრეზიდენტის ვეტოც დაძლეულია, როგორია თქვენი სამოქმედო გეგმა? გაგრძელდება თუ არა საპროტესტო აქციები?
– პირველ რიგში მინდა აღვნიშნო, რომ დღევანდელი დღე არის ძალიან მნიშვნელოვანი. იმიტომ, რომ ჩვენ არ ვტოვებთ ჩვენ თანამებრძოლებს, ჩვენ ვიბრძოლებთ იმისთვის, რომ ისინი დავიხსნათ რუსული საპყრობილედან და ასევე ადამიანები, რომლებიც დააჯარიმეს, მათ შორის მეც, გადავუხადოთ ჯარიმები.
ბრძოლა გრძელდება და მნიშვნელოვანია, რომ ამ პროცესში ვართ სამოქალაქო სექტორიც, პარტიებიც და ვმუშაობთ ერთად სამოქმედო გეგმაზე, თუ როგორ უნდა დავამარცხოთ რუსული ოცნება და როგორ უნდა გავუშვათ ისინი ამ ქვეყნიდან რუსული გემის გზაზე.
ამიტომ დიახ, ამ პროცესში უნიკალური მნიშვნელობა აქვს იმას, რომ სამოქალაქო სექტორი, არასამთავრობო ორგანიზაციები, პარტიები სხედან ერთ მაგიდასთან და ყოველდღიურად მუშაობენ იმაზე, რომ არჩევნებამდე ყოველი დღე იყოს ბრძოლის, ყოველი დღე იყოს რუსულ ოცნებასთან წინააღმდეგობის და რაც მნიშვნელოვანია, არჩევნების დღე იყოს გადამწყვეტი ამ ქვეყანაში და გადამწყვეტი იმისთვის, რომ რუსული ოცნება გავუშვათ მის გზაზე, საქართველოდან.
ავტორი
მარიამ ხაჩირაშვილი
