,,ერთიანი ნაციონალური მოძრაობის’’ ახალგაზრდული ორგანიზაციის წევრი, ტიტე გედენიძე სააგენტო ,,პარალელთან’’ ინტერვიუში საუბრობს გვიან ღამით, ,,ერთიანი ნაციონალური მოძრაობის’’ ცენტრალურ ოფისზე მომხდარ თავდასხმის ფაქტთან დაკავშირებით:
,,ეს არის აშკარა აგონია, რაც აქვს დღეს ხელისუფლებას, რადგან ის ნათლად აგებს არჩევნებს 26 ოქტომბერს. ამიტომ ცდილობს ახლა ყველანაირად ხავსს მოეჭიდოს და ამ უმაქნისი და გაუგონარი ქმედებით, დარბევებით, შემოვარდნებით, დაშინებების მცდელობებით ცდილობს, რომ ვიღაც შეაშინოს, ვიღაც არჩევნებზე არ მივიდეს, ვიღაცა გაჩერდეს და აღარ ებრძოლოს მათ, მაგრამ რა თქმა უნდა, ეს არ გამოუვათ.
გუშინ მოყვანილი ჰყავდათ ათობით და ლამის ასობით ადამიანი ჩვენი ოფისის დასარბევად. მათ დაარბიეს ოფისი, ჩაამტვრიეს შუშები, ისროლეს ქვები, ადამიანების სიცოცხლე დააყენეს საფრთხის ქვეშ და ეს ყველაფერი არის აგონია, რომელიც აქვს ,,ქართულ ოცნებას’’ და მათ მსგავსი ქმედებებით რა თქმა უნდა, არაფერი გამოუვათ. ჩვენ არ დავშინდებით, ბოლომდე ვიბრძოლებთ, ბოლომდე მივიყვანთ ჩვენს საქმეს და 26 ოქტომბერს აუცილებლად დავასრულებთ მას’’,- განაცხადა ტიტე გედენიძემ.
ავტორი
მარიამ ხაჩირაშვილი
