საარჩევნო საკითხზე მოლაპარაკებების თაობაზე პოზიციის დაფიქსირებისას, „ახალი საქართველოს“ თავმჯდომარე, გიორგი ვაშაძე აღნიშნავს, რომ საარჩევნო მოდელის პრინციპი, რომელიც 100/50-ს ითვალისწინებს მიუღებელია და ოპოზიცია ასეთი სახის სისტემას არ მიემხრობა. მისი თქმით, „ქართული ოცნების“ მიერ წამოწყებულ თამაშში აყოლას არ აპირებს და მიიჩნევს, რომ მათი სამოქმედო გეგმა, მთავარი ფაზის დასასრული მხოლოდ და მხოლოდ 4 აპრილისთვის დაანონსებული საპროტესტო აქცია იქნება.
„100/50-ზე მიუღებელია. ჩვენ ამის მხარდაჭერას არ ვაპირებთ. კიდევ ერთხელ, მარტივად ვუხსნი საზოგადოებას – ჩვენ არ ვვაჭრობთ ადგილებით. არ ვაპირებთ „ქართული ოცნებისა“ და ბიძინა ივანიშვილის თამაშში აყოლას.
ჩვენი გეგმა არის მრავალკომპონენტიანი, კომპლექსური და შედგება რამდენიმე ფაზისგან: პირველი ფაზის, დიდი ფაზის შუალედური დასასრული იქნება – 4 აპრილი, 4 საათი“, – განაცხადა გიორგი ვაშაძემ.
ავტორი
ბეჟან ბერულავა
