ჩვენთვის არ იყო მოულოდნელი, ის რომ ოპონენტებმა სკეპტიკურად შეაფასეს და პრაქტიკულად უარი თქვეს ევროპარლამენტართა მისიის მიღებაზე – გიორგი ვოლსკი

32

პარლამენტის პირველმა ვიცე სპიკერმა გია ვოლსკიმ, გიგი უგულავას საქმესთან დაკავშირებით ბრიფინგი გამართა. საკითხი ეხებოდა ევროპარლამენტართა შემადგენლობით შემსწავლელ კომისიას, რომელიც საქართველოში ჩამოვა და „ევროპული საქართველოს“ ლიდერის დაკავების ასპექტებს შეისწავლის. ვოლსკის განცხადებით: ამის აუცილებლობა ოპოზიციის მხრიდან პოლიტიკურმა სპეკულაციამ და გაუგებარმა განცხადებებმა გამოიწვეს.

უამრავი სპეკულაცია, განცხადებები, გაუგებრობა, შეუთანხმებელი პოზიციების გაჟღერება მოჰყვა გიგი უგულავას სასამართლოს დასრულებას და გამოტანილ განაჩენს.

როგორც მოგეხსენებათ, სტრასბურგში მყოფმა პარტიის გენერალურმა მდივანმა და აღმასრულებელმა მდივანმა, გამართეს ინტენსიური კონსულტაციები ჩვენს ევროპელ კოლეგებთან და გადაწყდა, რომ შეიქმნება ევროპარლამენტართა შემადგენლობით მრავალპარტიული ფაქტების დამდგენი მისია, რომელიც საქართველოში ჩამოვა და ამ საკითხებს სამართლებრივ-პოლიტიკური ასპექტით განიხილავს ჩვენთან ერთად და შესაბამის დასკვნებს გააკეთებს, იმასთან დაკავშირებით თუ რა მოხდა.

ეს თემა უნდა გახდეს საერთაშორისო მსჯელობის საგანი, მხოლოდ მას მერე, რაც კომპეტენტური დასკვნა იქნება გაკეთებული, წინააღმდეგ შემთხვევაში აზრთა სხვადასხვაობა მნიშვნლოვნად აზიანებს საქართველოს და მის სტაბილურობას. ქმნის არასწორი ინფორმაციის გავრცელების წინაპირობას,” – აღნიშნა გიორგი ვოლსკიმ.

პარლამენტის პირველი ვიცე-სპიკერის განცხადებით, ოპოზიცია აღნიშნულ გადაწყვეტილებას სკეპტიკურად აფასებს და ფაქტიურად უარზეა, რომ ევროპულმა დელეგაციამ შეისწავლოს გიგი უგულავას საქმესთან დაკავშირებული საკითხი, რამაც კითხვები უნდა გააჩინოს როგორც საზოგადოებაში, ასევე მედიაში.

რასაკვირველია, ჩვენთვის არ იყო მოულოდნელი, ის რომ ოპონენტებმა სკეპტიკურად შეაფასეს და პრაქტიკულად უარი თქვეს ასეთი მისიის მიღებაზე. ეს იწევევს დამატებით შეკითხვებს. ჩვენი ძალა და ჩვენი ქვეყნისათვის მნიშვნელოვანი გადაწყვეტილებები საერთაშორისო დონეზე უნდა ემყარებოდეს მხოლოდ სიმართლეს.

ამ პროცესში ხელის შეშლა და უარყოფითი განცხადებების გაკეთება, რაც დილიდან ჩვენი ოპონენტების პოზიციის მთავარი გამოხატულება გახდა, საკმაოდ მნიშვნელოვან შეკითხვებს უნდა ბადებდეს როგორც მედიაში, ასევე საზოგადოებაში.

კიდევ ერთხელ ვიმეორებ, ასეთი მისიის ჩამოსვლა ჩვენთვის, თქვენთვის, საზოგადიებისათვის იქნება მნიშვნელოვანი. არა მარტო იმიტომ, რომ სტაბილურობა შევძინოთ პოლიტიკურ პროცესს, არამედ იმიტომაც, რომ საზოგადოებამ აშკარად დაინახოს განსხვავება იმ პოზიციას შორის, რომელიც ჩვენ გვაქვს და იმ პოზიციასთან მიმართებაში, რომელიც ჩვენს ოპონენტებს გააჩნიათ,” – აღნიშნა გიორგი ვოლსკიმ.

ავტორი
თამთა ასლანიშვილი

კომენტარები