საერთაშორისო ურთიერთობების სპეციალისტი, გია ჯაფარიძე facebook-ის პირად გვერდზე ემოციურ სტატუსს აქვეყნებს, სადაც 26 მაისის ისტორიულ ფაქტებს იხსენებს და მწვავე შეფასებებს აკეთებს მმართველი პარტიის მიმართ:
,,1921 წელს, საქართველოს დემოკრატიული რესპუბლიკის დაპყრობის შემდეგ, მაშინდელმა სერგო ორჯონიკიძეებმა 26 მაისი აღნიშნეს, როგორც საქართველოს დამოუკიდებლობის დღე.
1922 წელსაც აღნიშნეს. თითქოს საქართველოს ოკუპაცია არ მომხდარიყო. დაპყრობილ ქვეყანაში დამოუკიდებლობის დღეს აღნიშნავდნენ.
1922 წლის ბოლოს ოდნავ სახეცვლილ რუსულ იმპერიაში ძალით შეგვტენეს.
ახლა ყველაზე მწვავედ მაქვს განცდა, რომ ასი წლის წინ რაც ხდებოდა, ისევ იმავეს გამეორება სურთ პუტინს და ,,რუსულ ოცნებას”, ფარსად და გროტესკად, მაგრამ ფარსი და გროტესკიც ჟანრებია.
მაშინ ხიშტი და მაუზერი დაჭირდათ, ახლა იგივეს რუსული კანონით აკეთებენ. დაგვცინიან, როცა რუსული მთავრობა, როცა თანამედროვე სერგო ორჯონიკიძეები ამ დღეს აღნიშნავენ.
უნდა გავერთიანდეთ საქართველოს თავისუფლების დასაცავად”, – წერს გია ჯაფარიძე.
ავტორი
ნინი ხიჯაკაძე
