პარლამენტში გამართულ საგანგებო ბრიფინგზე პარტია “კანონი და სამართლის” თავმჯდომარემ, დეპუტატმა თამარ ჩარკვიანმა რუსეთის მხრიდან მოსალოდნელ მორიგ საფრთხესთან დაკავშირებით ისაუბრა:
“საქართველოს სრული ანექსიის ანუ აფხაზეთიზაციის და სამაჩაბლოზაციის გეგმა ივანიშვილის მთავრობას მოსკოვმა უკვე დაუდო‼️
ამ პაკეტით რამდენიმე დღის წინ რუსეთიდან საგანგებოდ რუსი მაღალჩინოსანი თბილისში იმყოფებოდა.
ამავე გეგმით, მომდევნო დღეებში, “ქართულმა ოცნებამ” ჩვენს მოქალაქეებს უნდა ამცნოს, რომ ვითომ რუსეთი მზად არის საქართველოს ოკუპირებული ტერიტორიები – აფხაზეთი და სამაჩაბლო დაუბრუნოს.
სინამდვილეში კი, იგეგმება ქვეყნის სრული ოკუპაცია-ანექსია.
ჩვენ ისღა დაგვრჩენია, ვიბრძოლოთ საქართველოს დამოუკიდებლობისთვის, რათა ქვეყანა სრულად არ იქნეს პუტინის რუსეთის მიერ ოკუპირებული“, – განაცხადა თამარ ჩარკვიანმა.
