“ევროპული საქართველოს” წევრი თამარ ჩერგოლეიშვილი საპროტესტო აქტივობების უფრო უკეთ წარმართვასთან დაკავშირებით თავის მოსაზრებებს გამოთქვამს:
“თუ ვინმეს გაინტერესებთ ჩემი აზრი, როგორი უნდა იყოს ამ დეცენტრალიზებული პროტესტის ცენტრალური სცენა, იმისთვის რომ თავისი ფუნქცია ადეკვატურად შეასრულოს, გეტყვით:
📍 სცენაზე დგას ეკრანი და გადის დოკუმენტური, უეჭველი მასალა რაც:
1) რეჟიმის რუსობას ადასტურებს;
2) ქართველების ევროპელობას ადასტურებს;
3) ქართველი ერის წინაშე რუსეთის მიერ ჩადენილ დანაშაულებს ადასტურებს.
(ამის ფროდაქშენის აწყობა იოლია).
📍 სცენაზე არის წამყვანი, რომელიც აცხადებს ინფორმაციას:
ა) დაკავებულებზე;
ბ) დაშავებულებზე;
გ) მომდევნო, ან მიმდინარე საპროტესტო აქციებზე;
დ) პოლიტიკური სპექტრის იმ შეთანხმებებზე, რაც მოქალაქეების მომავალს ეხება.
პარტიებმა უნდა მიიღონ მონაწილეობა პროტესტში და აქციებზე ყოფნის დრო გამოიყენონ თავიანთი მხარდაჭერის გასაფართოვებლად – შექმნას ყველამ (ალიანსმა, თუ პარტიამ) თავისი ცენტრი, სადაც მათი მომხრეები ან პოტენციური მომხრეები შეიკრიბებიან და ინფორმაციას გაცვლიან.
ევროპული საქართველო ასე იქცევა წლებია – თავის ატმოსფეროს ქმნის პირველ სკოლასთან და ვისაც ეს ატმოსფერო სიამოვნებს, მათთანაა.
ესაა ჩემი აზრი.
მჯერა, რომ ოპტიმალური აზრია.
თავს არავის გახვევთ.
ხალხმა განსაჯოს.
პ.ს. აქციაზე ვივლი იმის მიუხედავად, რა ხდება ცენტრალურ სცენაზე, თუ რუსეთს არ დაუჭირეს მხარი ცხადია“, – წერს ფეისბუქის პირად გვერდზე თამარ ჩერგოლეიშვილი.
