ველური ბუნების სააგენტო ინფორმაციას ავრცელებს კავკასიური ფიჭვის შესახებ, რომელიც ფართოდაა გავრცელებული ბორჯომის ტყეში. ხანძრების გამო მისი პოპულაცია შემცირდა. თუმცა, სააგენტო ყოველწლიურად 200-300 ათასამდე კავკასიურ ფიჭვს აწარმოებს, რომელიც შემდგომ აღდგენის მიზნით ტყეებში ირგვება.
კავკასიური ანუ სოსნოვსკის ფიჭვი (pinus sosnowskyi) პირველი სიდიდის ხეა, რომელიც 35 მ-მდე აღწევს. ახალგაზრდა ასაკში ვარჯი პირამიდულია, დიდხნოვანი კი ქოლგისებრი.
მოყავისფრო სქელი ქერქი აქვს. მწვანე-მოვერცხლისფრო წიწვო აქვს, რომლებიც 3-4 წელს ცოცხლობენ. თესლი 2 წლის განმავლობაში მწიფდება, ყვავილობს მარტ-აპრილში.
კავკასიური ფიჭვი მძლავრ ფესვთა სისტემას ივითარებს, იგი სიცივის ამტანია. გვხდება ზღვის დონიდან 2300 მ-მდე. მისი გაშენება 800-900 მ-მდე გაძნელებულია. მოზარდ აღმონაცანს არ ეშინია ყინვების, ასევე ღია- გაშიშვლებული ადგილების.
ქმნის სუფთა და მშრალ კორომებს.
ფიჭვის წიწვები შეიცავს ეთეროვან ზეთებს, C-ვიტამინს, განსაკუთრებით ზამთარში, არის მასში კაროტინი და ფიტონციდები. ცოცხლობს 300-350 წელს.
