საქართველოს მთავრობის დადგენილებით – 2024 წლის 7, 8 და 10 მაისი უქმე დღეებად გამოცხადდა. დადგენილებას ხელი, პრემიერ-მინისტრმა ირაკლი კობახიძემ მოაწერა. დადგენილება 5 მუხლისგან შედგება და დასვენეების დღეებთან დაკავშირებით კონკრეტულ განმარტებებს აკეთებს:
მუხლი 1
საქართველოს ორგანული კანონის „საქართველოს შრომის კოდექსის“ 30-ე მუხლის მე-3 პუნქტის შესაბამისად, საქართველოს ზოგადი ადმინისტრაციული კოდექსით განსაზღვრულ ადმინისტრაციულ ორგანოებში (შემდგომში – ადმინისტრაციული ორგანო) დასაქმებულთათვის 2024 წლის 7, 8 და 10 მაისი განისაზღვროს უქმე დღეებად;
მუხლი 2
ადმინისტრაციული ორგანო განსაზღვრავს მის დაქვემდებარებაში მყოფ/მის სისტემაში შემავალ სამსახურებს/ მოსამსახურეებს, რომელთა მიმართაც არ გავრცელდება ეს დადგენილება, თუ მათი ფუნქციების შესრულება სახელმწიფო ხელისუფლების განხორციელებისა და საზოგადოების ნორმალური ფუნქციონირებისთვის წარმოადგენს გადაუდებელ აუცილებლობას;
მუხლი 3
ეს დადგენილება არ ვრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე;
მუხლი 4
ეს დადგენილება არ ვრცელდება „სახელმწიფო შესყიდვების შესახებ“ საქართველოს კანონით გათვალისწინებულ სახელმწიფო შესყიდვებთან დაკავშირებულ საქმიანობაზე, მათ შორის, ამავე კანონის მე-3 მუხლის პირველი პუნქტის „ა.თ“ ქვეპუნქტით გათვალისწინებულ შესყიდვებთან დაკავშირებულ და სახელმწიფო შესყიდვებთან დაკავშირებული დავების განხილვის საბჭოს საქმიანობაზე;
მუხლი 5
დადგენილება ამოქმედდეს გამოქვეყნებისთანავე.
ინფორმაციისთვის: შრომის კოდექსის შესაბამისად, 9 მაისი უქმე დღედაა გამოცხადებული, შესაბამისად სამშაბათი-პარასკევი სრულად დასვენების დღეებადაა გამოცხადებული.
