საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე, კომენტარს აკეთებს, ,,უცხოური გავლენის აგენტების შესახებ” კანონპროექტისა და ქვეყანაში მიმდინარე პროცესებზე სამსჯელოდ პროდასავლური პარტიებისა და საზოგადოების კონკრეტული წარმომადგენლებს შორის გამართულ შეხვედრასთან დაკავშირებით:
,,ეს ხალხი ამბობს, რომ ამ კანონით ამ მართვის მოწმობით, რუსული მართვის მოწმობით – ასე დავარქვათ, ვერ გახდებით ევროკავშირის წევრი. ჩვენ უარი უნდა ვთქვათ ამ მართვის მოწმობაზე და ავიღოთ ევროპული მართვის მოწმობა, რომელიც გულისხმობს 9 პუნქტის შესრულებას, – ეს არის ძალიან მარტივი ფორმულა, რაც უნდა გავაკეთოთ.
ყველა შეთანხმებულები ვართ 6 პარტია და აქ არის საზოგადოებისთვის საპატივცემულო, მნიშვნელოვანი, გავლენიანი, ავტორიტეტული ადამიანები შეკრებილი. ეს ხალხიც ფიქრობს, რომ ამ კანონის მიღება არ შეიძლება და აუცილებელია ერთად ყოფნა, არა რომელიმე პარტიის ან ლიდერის გარშემო, როგორც უყვარს ხოლმე თქმა ბევრს’’, – განაცხადა პაატა მანჯგალაძემ.
ავტორი
მარიამ ხაჩირაშვილი
