საპარლამენტო უმრავლესობის ლიდერი, მამუკა მდინარაძე ჟურნალისტებთან განმარტებებს აკეთებს „უცხოური გავლენის გამჭვირვალობის შესახებ“ კანონპროექტთან დაკავშირებით და მწვავე შეფასებებს აძლევს მოსაზრებებს აღნიშნული კანონის გამო სანქციების შესაძლო დაწესებაზე:
,,ამერიკისგან სანქცია იმასთან დაკავშირებით, რასთან დაკავშირებითაც უფრო მკაცრი მიდგომა აქვს თავად ამერიკელებს, არის უტოპია და მეორე, რაც შეეხება იმას, ვინც სანქციებზე ლაპარაკობს, უდიდესი უთავმოყვარეობაა.
აქ ეროვნულზე აღარ არის ლაპარაკი, უბრალოდ, ელემენტალური თავმოყვარეობის უქონლობა ჰქვია, რომ ამერიკიდან სანქციებზე ვილაპარაკოთ, ილაპარაკოს ადამიანმა, რაც არ უნდა ,,ნაცი” იყო, საქართველოში იმისათვის, რაც თავად ამერიკაში მოქმედებს უფრო მკაცრად.
ერთ პუნქტს მაინც თუ ვინმე, მონახავს, რომელიც არის რუსულის ანალოგია და სხვაგან, ევროპულში, ამერიკულში მსგავსი ჩანაწერი არ არის, ჩვენ შეგვიძლია ვილაპარაკოთ, რომ ხვალვე წავიღოთ ეს კანონპროექტი უკან. ერთი პუნქტი დამისახელეთ და ხვალვე შეიძლება წავიღოთ უკან, ერთი პუნქტი ან ამოვიღოთ, რაც გნებავთ ის ვქნათ, ამოვიღოთ, გავიწვიოთ, რაც გნებავთ“, – განაცხადა მამუკა მდინარაძემ.
ავტორი
მარიამ ხაჩირაშვილი
” – თემურ ჯანაშია