ეროვნული ნაკრების ფეხბურთელის, გიორგი ქოჩორაშვილის მამამ, როინ ქოჩორაშვილმა Facebook-ის პირად გვერდზე, სავარაუდოდ, ოჯახის წევრის ფოტო გამოაქვეყნა – ,,ბავშვი ევროკავშირის დროშით”, რომელიც თავდაპირველად გიორგი ქოჩორაშვილმა instagram-ის გვერდზე ატვირთა, რასაც შემდგომ როინ ქოჩორაშვილის მხრიდან ევროპაში ინტეგრაციის მხარდამჭერი პოსტის გამოქვეყნება მოჰყვა:
,,საქართველოს გზა ევროპაშია!!!” – წერს როინ ქოჩორაშვილი
ინფორმაციისთვის: გუშინ, ,,უცხოური გავლენის გამჭვირვალობის შესახებ” კანონპროექტთან დაკავშირებით საპროტესტო მსვლელობა – ,,თავისუფლების მარში” გაიმართა.
საყურადღებოა, რომ აღნიშნული სტატუსისა და ფოტოს გავრცელების შემდეგ ფეხბურთელ, გიორგი ქოჩორაშვილის instagram გვერდი საძიებო ველში გაქრა – სავარაუდოდ გვერდი წაშლილია ან გაუქმებულია. სოციალურ ქსელებში გავრცელებული ერთ-ერთი მოსაზრებით, ევროკავშირის მხარდამჭერი სტატუსის შემდეგ, გარკვეულმა ე.წ.-მა ტროლ-ბოტებმა ფეხბურთელის instagram გვერდზე დარეპორტების კამპანია აწარმოეს, რის გამოც აღნიშნული ფოტოები და პირადი პროფილის ხილულობა შეიზღუდა.
მოგვიანებით, როინ ქოჩორაშვილმა, მეორე სტატუსიც გამოაქვეყნა:
,,ძალიან ბევრი ჟურნალისტი რეკავს, ბოდიში რომ არ გპასუხობთ, ჩვენი პოზიცია აქ დაფიქსირებულია, ჩემი სიცოცხლით ვაგებ პასუხს, პოზიცია შეუცვლელია!!!” – წერს როინ ქოჩორაშვილი.
აღნიშნულ ფაქტებთან დაკავშირებით, ჟურნალისტებთან კომენტარში, ნეგატიური კონტექსტის მატარებელი შეფასება გააკეთა თბილისის მერმა, კახა კალაძემ:
,,რა გიკვირთ? რატომ გიგიკვირდათ როინ ქოჩორაშვილის? ხო, ,,ნაცია”. როინ ქოჩორაშვილი არის ,,ნაცი”, გახარიას პარტიის წარმომადგენელია”, – განაცხადა კახა კალაძემ.
ავტორი
ნინი ხიჯაკაძე