“ამ კანონის შემოტანა “ქართული ოცნების” მხრიდან არის ღია უარი ქვეყნის ევროპულ მომავალზე” – თეონა აქუბარდია

პოლიტიკური ჯგუფის „რეფორმების ჯგუფის“ წევრის, თეონა აქუბარდია სააგენტო ,,პარალელთან’’ ინტერვიუში კომენტარს აკეთებს ,,ქართული ოცნების’’ მიერ დაინიცირებულ ,,უცხოური გავლენის გამჭვირვალობის შესახებ” კანონპროექტთან დაკავშირებით:

,,კანონი, რომლის უკან შემობრუნება ,,ქართულმა ოცნებამ’’ თავისივე სიტყვის უკან წაღებით წამოიწყო, მიუხედავად იმისა, რომ წელსაც, როგორც შარშან სრულიად დასავლეთი, ევროკავშირი, ნატო და ჩვენი სტრატეგიული პარტნიორები კვლავ მოუწოდებენ ,,ქართულ ოცნებას’’, რომ ეს კანონი არ მიიღონ, რადგანაც ეს არ არის ის დემოკრატიული პრაქტიკა, რითიც ქვეყანა შეიძლება გახდეს ევროკავშირის და ნატოს წევრი და ამ კანონით ფუნდამენტური უფლებები, რომ ირღვევა ეუთოს დასკვნით არის კიდევ ერთხელ დადასტურებული.

ამ კანონის შემოტანა არის ღია უარი, მიუხედავად საარჩევნო პერიოდის დადგომისა, ,,ქართული ოცნების’’ მხრიდან ქვეყნის ევროპულ მომავალზე. მაშინ, როდესაც 9 რეკომენდაცია უნდა შეგვესრულებინა და გაწევრიანების მოლაპარაკებები დეკემბერში დაგვეწყო, ამ უკუსვლით საქართველოს დიდი ხნით აშორებენ ევროპულ მომავალს და ამაზე პასუხი არის ხალხის მხრიდან გასაცემი და არა მხოლოდ პოლიტიკოსების’’,- განაცხადა თეონა აქუბარდიამ.

ავტორი
მარიამ ხაჩირაშვილი