“ირაკლი ღარიბაშვილის გამჭვირვალობა ვერ ჩაუტარებიათ – ადამიანი, რომელიც ამბობს, რომ ნაჩუქარი 1000 დოლარით ვისწავლეო, არ მქონდა შემოსავალიო და დღეს ამბობს, რომ მამაჩემი მილიონერიაო” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს ,,უცხოური გავლენის გამჭვირვალობის’’ კანონპროექტთან დაკავშირებით და კონკრეტული ანალოგები მოჰყავს შესაფასებლად:

,,ირაკლი ღარიბაშვილის გამჭვირვალობა ვერ ჩაუტარებიათ. ადამიანი, რომელიც ამბობს, რომ ნაჩუქარი 1000 დოლარით ვისწავლეო, არ მქონდა შემოსავალიო და დღეს ამბობს, რომ მამაჩემი მილიონერიაო. ,,ქართული ოცნების’’ რომელიმე წევრი თუ დაინტერესდა ირაკლი ღარიბაშვილის ქონების გამჭვირვალობით?! ძალიან მარტივი კითხვაა. ამას უნდა უპასუხოს ფარისეველმა, ცრუპენტელა, გადამგდებმა, თაღლითმა ,,ქართულმა ოცნებამ’’ – ამას ვამბობთ ჩვენ.

როცა გაერო გეუბნება, როცა ნატო გეუბნება, როცა ევროკავშირი გეუბნება, როცა ევროსაბჭო გეუბნება, მეტი ვინ უნდა გვითხრას, რომ ეს კანონი არის რუსული, ანტიევროპული? მოსწონს პესკოვს. მარტივი ანალიზი გავაკეთოთ, ერთ მხარეს დგას პესკოვი, მეორე მხარეს დგას დანარჩენი ცივილიზებული სამყარო’’, – განაცხადა პაატა მანჯგალაძემ.

ავტორი
მარიამ ხაჩირაშვილი