მოძრაობა ,,ჯიუტის’’ წევრი, სამოქალაქო აქტივისტი ლაშა ჯანჯღავა სააგენტო ,,პარალელთან’’ ინტერვიუში შეფასება-განმარტებებს აკეთებს ,,უცხოური გავლენის გამჭვირვალობის’’ კანონპროექტის წინააღმდეგ საპროტესტო მოძრაობის დასაგეგმად გამართულ საორგანიზაციო შეხვედრასთან დაკავშირებით:
- რა მიზანს ემსახურებოდა დღევანდელი შეხვედრა და რა სახის განვითარება შეიძლება მოჰყვეს?
– დღევანდელი ჩვენი შეხვედრა არის საორგანიზაციო ხასიათის, გუშინდელის გამო შევიკრიბეთ ანუ მდინარაძის ბრიფინგის შემდეგ, როდესაც თქვა, რომ ,,რუსული კანონი’’ ისევ ბრუნდება, ასე პრინციპულად თქვა და ჩვენც ზუსტად, იმიტომ გამოვედით დღეს, რომ აქციის ხასიათი არ გვინდოდა მიგვეცა, იმიტომ, რომ ისინი როდესაც გეგმავენ რაღაცას საპირწონედ ჩვენც უნდა დავგეგმოთ, დავორგანიზდეთ და მნიშვნელოვანია რა თქმა უნდა, ეს სპონტანური მუხტი, რასაც მოყვება მაგრამ დაგეგმა არანაკლებ მნიშვნელოვანია და მემგონია, რომ ამ ეტაპზე ეს დაგეგმითი პროცესი ბევრად უფრო სწორი იქნება, ვიდრე უცებ სპონტანური აფეთქება.
ეს პროცესი, რასაც ესენი აკეთებენ შეიძლება ივნისამდე გაგრძელდეს და ამისთვის ჩვენ ეტაპობრივად უნდა მოვემზადოთ ამიტომ დღეს დავაორგანიზეთ რა: დავაორგანიზეთ ის, რომ ყველა ადამიანს შეუძლია მონაწილეობა მიიღოს დაგეგმებში ანუ ხვალ – ზეგ რას გავაკეთებთ ამას გადაწყვეტს ყველა და არა კონკრენტული ერთი ჯგუფი. ასევე დავაორგანიზეთ რა, რომ სხვადასხვა აქტივობები იქნება და ადამიანებს შეეძლებათ იმ აქტივობებში ჩაერთონ, რა აქტივობებიც მასთან უფრო ახლოს არის – ზოგი ფლაერის დარიგებაზე, ზოგი რაღაცას ამზადებს და ა.შ. ეს იყო ჩვენი დღევანდელი შეხვედრის მიზანი.
ავტორი
მარიამ ხაჩირაშვილი
