“ეს იქნება ,,ქართული ოცნებისთვის’’ ყველაზე დიდი სასჯელი, რაც ჩვენ მათთვის გვემეტება” – პაატა მანჯგალაძე

უცხოულ მედიაში გავრცელდა ინფორმაცია იმასთან დაკავშირებით, რომ “ქართული ოცნების” საპატიო თავმჯდომარის, ბიძინა ივანიშვილის შვილი, ბერა ივანიშვილი ბრაზილიაში დამკვიდრდა და შესაძლოა არჩევნებში დამარცხების შემდეგ მას შეუერთდეს ასევე მამა. თემაზე პოლიტიკურ შეფასებებს აკეთებს საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს არჩევნებთან დაკავშირებით:

,,მე ვფიქრობ, რომ გარკვეულწილად ეს არის დაკავშირებული იმასთან, რომ მათ არ აქვთ კარგი მოლოდინი არჩევნების დროს, იციან ქართველი ხალხის განწყობა და ამიტომ წინასწარ იზღვევს თავს, იბევებს ადგილს, რომ უსაფრთხოდ იყოს.

მე პირდაპირ ვეუბნები არა თუ ივანიშვილს, არამედ ,,ქართული ოცნების’’ ყველა წარმომადგენელს, რომ არანაირი უსაფრთხოების პრობლემა მათ არ ექნებათ.

მათი სასჯელი იქნება, რომ ვაყურებინებთ როგორ ვაშენებთ ქვეყანას, როგორ ვაბრუნებთ ემიგრანტებს, როგორ დაიწევს ფასები, როგორ ვაუქმებთ მონოპოლიას, როგორ ვაკეთებთ თავისუფალ სასამართლოს და როგორ გავხდებით ევროკავშირის წევრი.

ეს იქნება ,,ქართული ოცნებისთვის’’ ყველაზე დიდი სასჯელი, რაც ჩვენ მათთვის გვემეტება’’,- განაცხადა პაატა მანჯგალაძემ.

ავტორი
მარიამ ხაჩირაშვილი