ავიაკომპანია ,,ჯორჯიან ეარვეისი“, ფეხბურთის მოყვარულებსა (და არა მარტო) ევროპის ჩემპიონატის დღეებში, გერმანიის ცალკეულ ქალაქებში დამატებითი ავიარეისების დანიშვნასთან დაკავშირებით საყურადღებო ინფორმაციას ავრცელებს:
“ძვირფასო მგზავრებო!
🥳🙌🏻🇬🇪 სიხარულით გაცნობებთ, რომ ,,ჯორჯიან ეარვეისი“ გერმანიაში, ევრო-2024-ზე ეროვნული ნაკრების თამაშებზე დასწრების მსურველებისთვის სპეციალურ პირდაპირ ფრენებს შეასრულებს.
✈️🇬🇪⚽️ ავიაკომპანია კიდევ ერთხელ ულოცავს საქართველოს ეროვნულ ნაკრებს და სრულიად საქართველოს ისტორიულ გამარჯვებას!
🇬🇪✈️🇩🇪 ,,ჯორჯიან ეარვეისი“ შეასრულებს სპეციალურ პირდაპირ ფრენებს თბილისიდან გერმანიის იმ ქალაქებში, სადაც გაიმართება საქართველოს საფეხბურთო ეროვნული ნაკრების თამაშები ევროპის ჩემპიონატზე იმისთვის, რომ რაც შეიძლება მეტმა გულშემატკივარმა შეძლოს მატჩებზე დასწრება.
🙌🏻 პირდაპირი ფრენები შესრულდება შემდეგი განრიგით:
👉🏻 თბილისიდან დორტმუნდში 17 ივნისს (გამოფრენა დორტმუნდიდან თბილისში 19 ივნისს);
👉🏻 თბილისიდან ჰამბურგში – 21 ივნისს (გამოფრენა ჰამბურგიდან თბილისში 23 ივნისს);
👉🏻 თბილისიდან დუსელდორფში 25 ივნისს (გამოფრენა დუსელდორფიდან თბილისში 27 ივნისს).
🙌🏻 პირდაპირი რეისები შესრულდება მგზავრებისთვის მატჩებზე დასასწრებად კომფორტულ დროს.
✅ ავიაბილეთების გაყიდვა დაიწყება 1 აპრილიდან, ავიაკომპანიის ვებ-გვერდზე, გაყიდვების ოფისებსა და პარტნიორ სააგენტოებში.
❤️✊🏻🇬🇪 ერთად ვუგულშემატკივროთ ეროვნულ ნაკრებს!“, – ნათქვამია გავრცელებულ ინფორმაციაში.