ბათუმში, კობალაძის ქუჩაზე, ავტოსაგზაო შემთხვევის შედეგად 80 წლამდე ქალბატონი ადგილზევე გარდაიცვალა. როგორც ცნობილი გახდა, ქვეითს სანდასუფთავების მანქანა დაეჯახა.
შემთხვევის შემდეგ ავტომობილის მძღოლი სამართალდამცავებთან საკუთარი ნებით გამოცხადდა და გამოძიებას ჩვენება მისცა.
სანდასუფთავების მონიტორინგის სამსახურის უფროსის შოთა თოდაძის განცხადებით, სათვალთვალო კამერებში ნათლად არ ჩანს კონკრეტული შემთხვევა, რის გამოც დაზუსტებით არ იციან მძღოლი ქვეითად მოსიარულეს დაეჯახა თუ უკვე გარდაცვლილს გადაუარა.
“მძღოლი გამოკითხვაზე იმყოფება, შემთხვევის შემდეგ ჩაბარდა. კადრებში ნათლად არ ჩანს დაეჯახა, თუ უკვე გარდაცვლილს გადაუარა. ცხედარი მოულოდნელად გაჩნდა,” – განაცხადა სანდასუფთავების მონიტორინგის სამსახურის უფროსმა, შოთა თოდაძემ.
უბედური შემთხვევა ბათუმში დილის 7 საათზე მოხდა. გამოძიება 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
ავტორი
თამთა ასლანიშვილი
