“ახალგაზრდებს მინდა მოვუწოდო, რომ იყვნენ აქტიურები და საკუთარი ქვეყნის კეთილი მომავლისთვის” – თამთა კალანდაძე

გასული წლის 7-9 მარტის საპროტესტო აქციების მონაწილის, ამჟამად პატიმრობაში მყოფი აქტივის, ლაზარე გრიგორიადისის დედა, ემიგრაციიდან დაბრუნებული თამთა კალანდაძე სააგენტო ,,პარალელთან” ემოციურ კომენტარს აკეთებს შვილის სასამართლო პროცესებთან დაკავშირებით:

• როგორი მოლოდინი გაქვთ, 28 მარტს ჩანიშნულ ლაზარეს სასამართლო პროცესთან დაკავშირებით?

– ზუსტად ვერ გცემთ ამაზე პასუხს იმიტომ, რომ თავიდან სულ მოლოდინი გვქონდა ასეთი, რომ ლაზარეს გაამტყუნებდნენ. ახლა რაღაცა ცოტა ისეთი ეჭვი და აზრი შეგვეპარა, რომ შეიძლება რაღაც მომენტში ერთ-ერთ მუხლზე მაინც გაამართლონ. რაღაცა გაჩნდა უეცრად თავში ეგეთი ვარიანტი.

• მარტის აქციებიდან 1 წელი გავიდა. როგორ შეაფასებდით ამ პერიოდს?

– ძალიან მოხარული ვარ იმით, რომ ამდენი ხალხი გამოვიდა და ეს რუსული კანონი გააპროტესტა და ამის შედეგად კანონი გაიწვიეს უკან. რის მერეც კიდევ მივიღეთ კანდიდატის სტატუსი. ჯერ-ჯერობით ყველაფერი ისევ წინ გვაქვს. მე მგონი, კიდევ გვექნება რაღაც გასაპროტესტებელი, რადგან ჩვენი მთავრობა სასწაულებს აკეთებს.

• რას მიმართავდით ახალგაზრდებს?

– ახალგაზრდებს მინდა მოვუწოდო, რომ იყვნენ აქტიურები და საკუთარი ქვეყნის კეთილი მომავლისთვის, დემოკრატიისთვის და ევროპული მომავლისთვის აუცილებლად იბრძოლონ. 2024 წლის ოქტომბერში არჩევნებზე წავიდნენ.

ავტორი
ნინი ხიჯაკაძე