ხელისუფლების ოპონენტებზე განხორციელებულ ფიზიკურ ანგარიშსწორებასთან დაკავშირებით განცხადებას ავრცელებს “ახალი საქართველოს” თავმჯდომარე, გაერთიანებული ოპოზიციის ერთ-ერთი ლიდერი გიორგი ვაშაძე. მისი თქმით ივანიშვილი ცდილობს ფიზიკური და რეპრესიული მექანიზმების საშუალებით შეინარჩუნოს ხელისუფლება:
“ივანიშვილის ავტოკრატიული მმართველობა არ კმაყოფილდება პოლიტიკოსებზე სასამართლო, პოლიცია და პროკურატურის რეპრესიული მექანიზმების გამოყენებით და დაადგა ღია ფიზიკური ტერორის გზას, რაზეც მიუთითებს დღეს ნიკა გვარამიაზე და რამდენიმე დღის წინ ლევან ხაბეიშვილზე განხორციელებული ფიზიკური ანგარიშსწორება.
ივანიშვილის მიერ ფიზიკური და რეპრესიული მექანიზმების საშუალებით ხელისუფლების შენარჩუნების მცდელობა ბოლო ზღვარია და ის აუცილებლად დამთავრდება ქართველი ხალხის გამარჯვებით!” – აცხადებს გიორგი ვაშაძე.
