ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია YouTube-ის საკუთარ პლატფორმაზე, გადაცემა ,,გახარიას კვირაში” პოლიტიკურ შეფასებას აკეთებს პარტია ,,ქართული ოცნების” დამფუძნებლისა და აწ უკვე, საპატიო თავმჯდომარის, ბიძინა ივანიშვილის პოლიტიკაში დაბრუნების შედეგებთან დაკავშირებით:
,,პოლიტიკურ ველზე სერიოზული ქაოსი გამოჩნდა, რაც გასაგებია. როდესაც ადამიანები პროგნოზირებად ხედვად ვადაში ხედავენ რამდენიმე ტყუილს ერთად, ხო: ერთი ითქვა – მეორე გაკეთდა, მეორე ითქვა – მესამე გაკეთდა, მესამე ითქვა… ეს ხომ სულ ტყუილები იყო.
,,არ დავბრუნდები” – დავუბრუნდით; ,,მთავრობას არ შევეხებით” – შევეხეთ. ადამიანები უბრალოდ ხედავენ, ხვდებიან, რომ ,,ქართული ოცნება” დღეს ჩამოყალიბდა ისეთ პოლიტიკურ ძალად, რომელიც ამბობს ერთს და აკეთებს აბსოლუტურად მეორეს.
ის, რაც ადამიანებს იმედი ჰქონდათ, რომ ივანიშვილის გამოჩენა ამ პოლიტიკურ ძალას თანმიმდევრულობას შესძენდა, პირიქით მოხდა – ქაოსის ხარისხი კიდევ უფრო გაიზარდა და ეს ყველაფერი რეიტინგებში აისახება.
ივანიშვილის გამოსვლას ,,ოცნებაზე”, ,,ოცნების” რეიტინგზე პოზიტიური ან ნეგატიური ზეგავლენა თუ ექნება, ექნება სტატისტიკური ცდომილების ფარგლებში +1,5/-1,5%, არაფერი სხვა არ შეიცვლება“, – განაცხადა გიორგი გახარიამ.
ავტორი
ნინი ხიჯაკაძე
