“რუსეთი განიხილავს საქართველოს სრულ დამორჩილებას” – დავით ქაცარავა

ანტისაოკუპაციო მოძრაობა ,,ძალა ერთობაშიას” დამფუძნებელი, დავით ქაცარავა მწვავე კომენტარს აკეთებს რუსი სამხედროების მიზანმიმართულ აქტიურობასთან დაკავშირებით საოკუპაციო ხაზთან არსებულ ტერიტორიებზე:

,,რუსი ოკუპანტები ბოლო პერიოდში არიან ძალიან გააქტიურებულები. განსაკუთრებით, მათი აქტივობა დაფიქსირდა 2023 წლის მარტიდან, როდესაც მათ დაიწყეს საგუშაგოების, ,,ბლინდაჟების” მომზადება, სანგრებში გათხრა.

რამდენიმე დღის წინ, ასევე, ჩვენ დავაფიქსირეთ საპატრულო ჯგუფებისთვის შესაბამისი აღჭურვილობის – უახლესი ანტიდრონების სპეციალური იარაღების დარიგება.

რუსეთი განიხილავს საქართველოს სრულ დამორჩილებას. თუ ამ დამორჩილებისთვის საჭირო გახდება საქართველოს სრული ანექსია, ვფიქრობ, რომ რუსეთი ამისთვის არც ენერგიას, არც დროს და არც რესურსს არ დაიშურებს“, – განაცხადა დავით ქაცარავამ.

ავტორი
ნინი ხიჯაკაძე