“ჩავალთ არა მარტო რეგიონებში, არამედ ყველა ქალაქსა და სოფელში, იმ სათქმელით, რომ უმუშევრობა და ეკონომიკური კრიზისი განაჩენი არ არის”, – ამის შესახებ “სტრატეგია აღმაშენებლის” გენერალურმა მდივანმა პაატა მანჯგალაძემ განაცხადა
მანჯგალაძის თქმით “გამარჯვების კოალიცია” რეგიონებში კონკრეტული შეთავაზებებით ჩადის და არ ყვება “ქართული ოცნების” რიტორიკას
“ქართული ოცნება” ისე იქცევა თითქოს არ არსებობს ხალხი და მათი პრობლემები. მაშინ როცა ივანიშვილის ხელისუფლებაში მოსვლის შემდეგ საქართველო დატოვა 800 000 ადამიანმა, მაშინ როცა ჩვენი მოქალაქეების 50%-ზე მეტი არის უმუშევარი და ამ უმუშევრობის პირობებში ფასები გაზრდილია 97%-ით, „ქართული ოცნება“ ცდილობს სისულელეებზე საუბარში დაგვაკარგინოს ჩვენი დრო და ამით მიიქციოს ხალხის ყურადღება.
სწორედ ამ დროს, ჩვენ “გამარჯვების კოალიცია“ კონკრეტული შეთავაზებით ჩავდივართ რეგიონეში, მაგალითად დღესაც „გამარჯვების კოალიციის“ ლიდერები იმყოფებიან გორში. ჩავალთ არა მარტო რეგიონებში, არამედ ყველა ქალაქსა და სოფელში, იმ სათქმელით, რომ უმუშევრობა და ეკონომიკური კრიზისი განაჩენი არ არის და ეს მაშინვე შეიცვლება როგორც მოვიშორებთ ივანიშვილის კორუმპირებულ, ხალხის მძარცველ მთავრობას” – აცხადებს პაატა მანჯგალაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
