სტუდენტური მოძრაობა ,,ნაბიჯის’’ დამფუძნებელი, დავით ჩხობაძე სააგენტო ,,პარალელთან’’ ინტერვიუში შეფასება-განმარტებებს აკეთებს გასული წლის მარტის აქციების მონაწილის, ლაზარე გრიგორიადისის სასამართლო პროცესის გაურკვეველი დროით გადადებასთან დაკავშირებით:
- როგორც ცნობილი გახდა, ლაზარე გრიგორიადისის სასამართლო პროცესი გაურკვეველი ვადით გადაიდო, რა კომენტარს გააკეთებდით ამასთან დაკავშირებით? თქვენი აზრით, რა მიზანს ემსახურება პროცესის გადაწევა?
– პირველი ეს არის, რომ პატიმრობაში დარჩენა, საკანში მყოფი ადამიანისთვის და მისი ოჯახისთვის ძალიან რთულია, რომ ხდება პატიმრობის გაგრძელება. არასწორი და ამორალურია, რომ მოსამართლე შვებულებაში გადის და ჩვენ ხომ არ ვიცით მიზეზი, რა მიზეზით გავიდა შვებულებაში?! ეგ არასწორია და ცხადია, პოლიტიკური ელფერი ამ საქმეს გადადების და განაჩენის გამოტანების აქვს. ამიტომ, სასამართლო პროცესი, რაც შეიძლება მალე უნდა ჩატარდეს, სტრატეგიები ვიცით, როგორიც აქვს დაცვის მხარეს. ამიტომ სასამართლო უნდა ჩატარდეს მალე და ეს გადადება არასწორია და ცხადია, პოლიტიკური ნიშანი არის ამაში.
- მარტის აქციების წლისთავთან დაკავშირებით, ხომ არ იგეგმება საპროტესტო აქცია და ლაზარე გრიგორიადისისთვის მხარდაჭერის გამოცხადება?
– პირველი, რაც შემიძლია ვთქვა, არის ის რომ 6-8 მარტს აუცილებლად უნდა იყოს აქცია. იმიტომ, რომ 1 წლის აღნიშვნა იმ გამარჯვებიდან და ბრძოლიდან არის აუცილებელი. მე ვფიქრობ, ვიმედოვნებ და ვიცი, რომ 6-7 ან 8 მარტს საიუბილეო თარიღზე ახალგაზრდების შეკრება ისევ მოხდება.
ავტორი
მარიამ ხაჩირაშვილი
