“დღევანდელი დღე ჩვენ ყველას გვაიძულებს, რომ ვიფიქროთ ერთიანობაზე და არა დაპირისპირებასა თუ პარტიულ კინკლაობაზე” – პაატა მანჯგალაძე

საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე კომენტარს აკეთებს საბჭოთა ოკუპაციის დღესთან დაკავშირებით:

,,ჩვენ დღეს აქ მოვედით გმირების დაფასებისთვის, იმის დაფასებისთვის თუ როგორი გაფრთხილება უნდა თავისუფლებას და სახელმწიფოებრიობას.

რაც შეეხება ,,ქართულ ოცნებას’’, ყველამ ვიცით ვინც არის ,,ქართული ოცნება’’, მაგრამ დღეს მაინც თავს შევიკავებ, რადგან არსებობს დღები, როცა პარტიულ კუთვნილებას მნიშვნელობა არ აქვს. ყველამ იცის რასაც წარმოადგენს ,,ქართული ოცნება’’, მაგრამ დღევანდელი დღე ჩვენ ყველას გვაიძულებს, რომ ვიფიქროთ ერთიანობაზე და არა დაპირისპირებასა თუ პარტიულ კინკლაობაზე’’, – განაცხადა პაატა მანჯგალაძემ.

ავტორი
მარიამ ხაჩირაშვილი