“კვლევებით “ქართულ ოცნებას”’ ალტერნატივა არ ჰყავს – 60%-მდე არის რეალურად ჩვენი მხარდამჭერები” – ირაკლი ზარქუა

საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა ჟურნალისტებთან კომენტარს აკეთებს 2024 წლის საპარლამენტო არჩევნებში ,,ქართულ ოცნების’’ შანსებთან დაკავშირებით:

,,კვლევებით ,,ქართულ ოცნებას’’ ალტერნატივა არ ჰყავს. 60%-მდე არის რეალურად ჩვენი მხარდამჭერები ისე, რომ ჯერ არც დაგვიწყია საარჩევნო კამპანია.

ამ დროს გამოდიხარ და კოალიციურ მმართველობაზე საუბრობ, – ეს არის პროვოკაცია, მინიმუმ.

არ სჭირდება ,,ქართულ ოცნებას’’ ვინმესთან კოალიცია, უფრო მეტიც, არც არის ამ ქვეყნისთვის, ამ მოცემულობისთვის, საჭირო კოალიციური მმართველობა იმიტომ, რომ ჩვენ დღეს, ისე როგორც არასდროს, გვჭირდება მტკიცე ხელი – უმრავლესობა, რომელიც კიდევ უფრო მეტად მოუტანს მშვიდობას ჩვენს ქვეყანას’’, – განაცხადა ირაკლი ზარქუამ.

ავტორი
მარიამ ხაჩირაშვილი