ანალიტიკოსი ზაალ ანჯაფარიძე მიხეილ სააკაშვილის გათავისუფლებასტან დაკავშირებით თავის ვარაუდს გამოთქვამს და კონკრეტულ მძიმე, სახიფათო სცენარზე საუბრობს:
“მოკლედ, სპეცოპერაცია სააკაშვილის ციხიდან გამოსაყვანად გრძელდება და მალე გავიგებთ თუ რამდენი მილიონი დაჯდა. ჯერ Bloomberg ჩააცივდა ზურაბიშვილს სააკაშვილის თემით, ეხლა პოლონეთის საგარეო საქმეთა მინისტრმა პირდაპირი ტექსტით მოსთხოვა მისი გათავისუფლება.
შემდეგი აქტი რა შეიძლება იყოს? თბილისში დაბრუნებული ზურაბიშვილი იტყვის რომ ევროინტეგრაციის დიადი მიზნის მისაღწევად, მივიღე ჩემთვის მტკივნეული და რთული გადაწყვეტილება და ა.შ.
თუმცა, მთავარია რა მოხდება იმის შემდეგ თუ ე.წ. “პრეზიდეტმა” შეიწყალა ტირანი. ის დატოვებს “ვივა-მედს” ხოლო ხელისუფლება აუცილებლად შეაბრუნებს მას უკან ციხეში. აი სწორედ აქ შეიძლება მოხდეს, ის რაც მე არ მინდა რომ მოხდეს, სააკაშვილისადმი ჩემი უკიდურესად უარყოფითი დამოკიდებულების მიუხედავად.
ნაცები და მათი აქტივისტები ბუნებრივია ფიზიკურად შეეწინაღმდეგებიან სააკაშვილის ციხეში შებრუნებას. დაცვას და სამართალდამცავებს კი ასეთ შემთხვევებში აქვთ იარაღის გამოყენების ლეგიტიმური უფლება.
ტყვია კი ბრმაა… ხვდებით იმედია რასაც ვგულისხმობ. ვიმეორებ, არ მინდა რომ ასეთი რამ მოხდეს და ამაზე დაფიქრდეს ყველა!” – წერს ფეისბუქის პირად გვერდზე ზაალ ანჯაფარიძე.
