“ვხედავთ, თუ რამდენი ადამიანი ითხოვს, რომ მიხეილ სააკაშვილი დაუყოვნებლივ იქნეს გათავისუფლებული” – სოფო ჯაფარიძე

თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილე, სოფო ჯაფარიძე ჟურნალისტებთან კომენტარს აკეთებს მიმდინარე ხელმოწერების შეგროვების პროცესთან დაკავშირებით, საქართველოს მე-3 პრეზიდენტის, მიხეილ სააკაშვილის გათავისუფლებისთვის და ჩამოთვლის მიზეზებს, თუ რატომ უნდა მოხდეს ეს დაუყოვნებლივ:

,,კიდევ ერთხელ ვხედავთ, თუ რამდენი ადამიანი არის მსურველი და რამდენი ადამიანი ითხოვს, რომ მიხეილ სააკაშვილი დაუყოვნებლივ იქნეს გათავისუფლებული.

გუშინდელმა დღემ კიდევ ერთხელ დაგვარწმუნა რამდენად სასწრაფო არის მისი თავისუფლება იმიტომ, რომ ჩვენ ვნახეთ ნავალნის მაგალითი და ჩვენ ძალიან ბევრჯერ მოგვისმენია რუსეთის მმართველი დიქტატორი, ვლადიმერ პუტინისგან, რამდენჯერ გაავლო მან პარალელი ნავალნისა და მიხეილ სააკაშვილს შორის. რამდენჯერ დაემუქრა, როგორც ნავალნის ასევე მიხეილ სააკაშვილს სიცოცხლის განადგურებით.

აქედან გამომდინარე, კიდევ ერთხელ მივმართავ სალომე ზურაბიშვილს, დაუყოვნებლივ უნდა იქნეს მიხეილ სააკაშვილი თავისუფალი’’, – განაცხადა სოფო ჯაფარიძემ.

ავტორი
მარიამ ხაჩირაშვილი