ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე ჟურნალისტებთან კომენტარს აკეთებს რუსი ოპოზიციონერის, ალექსეი ნავალნის გარდაცვალების ფაქტზე გაკეთებულ ცალკეულ კომენტარებთან დაკავშირებით:
,,ეს მორიგი სპეკულაციაა, რა თქმა უნდა, “ნაციონალური მოძრაობის”, მისი მეგობრების მხრიდან შემოთავაზებული საზოგადოებისთვის, სრულიად უტიფარი და უსუსური მცდელობაა, რომ რაიმე პარალელი და რაღაც განზოგადების საშუალება ნახონ ნავალნის შემთხვევასა და სააკაშვილის შემთხვევას შორის. არც არსებობს სააკაშვილის შემთხვევა, ამიტომ რა თქმა უნდა, ამაოდ დაშვრებიან, თუკი ეცდებიან რაღაც პარალელის მონახვას.
სამწუხაროდ, შემაძრწუნებელი ფაქტების იყო დახუნძლული მისი სახელმწიფო პერიოდის მოღვაწეობა. პენიტენციურში ყველას კარგად ახსოვს, რა ხდებოდა. არა მხოლოდ პენიტენციურში, გვახსოვს, ეს იყო პერიოდი, სადაც გვამებს ითხოვდნენ სპეციალურად, რაღაც სახელდახელოდ მოწყობილი ოპერაციების დროს და ა.შ.
ამიტომ, ამ ყველაფრის ფონზე, უბრალოდ სპეკულაციაა პირდაპირ ვიტყვი. ეს ყველაზე მარტივად, რბილად და ყველაზე კორექტულად, რომ შევაფასოთ ახლა მცდელობები შემოთავაზებულია აქ პარალელების გავლებასთან.
როდესაც ახლა, ასეთი ტიპის სპეკულაციურ ინტერპრეტაციებს სთავაზობენ საზოგადოებას, უბრალოდ პასუხი უნდა გასცენ კითხვას იმასთან დაკავშირებით, მაგალითად: როგორია მათი დამოკიდებულება გინდა გირგვლიანი, შავაძის, რობაქიძის შემთხვევასთან დაკავშირებით და სხვა’’, -განაცხადა მიხეილ სარჯველაძემ.
ავტორი
მარიამ ხაჩირაშვილი
