“ჰკითხეთ რომელიმე ბიზნესმენს, “ნაციონალური მოძრაობის” დროს უკეთ გრძნობდა თავს თუ ახლა უკეთ გრძნობს” – ბექა დავითულიანი

პარლამენტის ფრაქცია ,,ქართული ოცნების’” თავმჯდომარის მოადგილე, ბექა დავითულიანი ჟურნალისტებთან კომენტარს აკეთებს ,,ქართული ოცნების’’ მიმართ ფინანსურ შემოწირულობებთან დაკავშირებით, რაც მმართველ პარტიაში ისე განიმარტა, რომ ახლა ბიზნესი თავისუფალია და ისინი ამის გამო ახდენენ შეწირულობებს:

,,ჰკითხეთ რომელიმე ბიზნესმენს, ,,ნაციონალური მოძრაობის’’ დროს უკეთ გრძნობდა თავს, თუ ახლა უკეთ გრძნობს. ვინც გვწირავს, გვწირავს იმიტომ, რომ ,,ნაციონალური მოძრაობა’’ არ დაბრუნდეს და არ გაატყაოს ისინი.

ყველა არ რიცხავს და არ წირავს, მაგრამ ვინც რიცხავს ნებაყოფლობით, შვრება ამას იმიტომ, რომ არ დაბრუნდეს ის ხელისუფლება, რომელიც მას ბიზნესს წაართმევს, ძალიან მარტივი ფორმულაა’’,- განაცხადა ბექა დავითულიანმა.

ავტორი
მარიამ ხაჩირაშვილი