“ახლა არის იმ საერთო მიზნის გარშემო გაერთიანების დრო, რასაც ჰქვია ივანიშვილის პარტიისგან თავისუფალი საქართველო და დასაქმება, როგორც მთავარი იდეა” – გიორგი ვაშაძე

საქართველოს პარლამენტის წევრი, ,,სტრატეგია აღმაშენებლის“ თავმჯდომარე, გიორგი ვაშაძე განცხადებას აკეთებს 2024 წლის არჩევნებთან დაკავშირებით და პროდასავლურ ოპოზიციას მოუწოდებს, რომ ამ საარჩევნო პერიოდში ერთმანეთისგან და მედიის მიმართ თავდასხმებისგან თავი შეიკავონ :

,,პირველ რიგში მინდა მივმართო ოპოზიციურ პარტიებს და ძალიან ვთხოვო, რომ ნამდვილად არ არის ახლა ის დრო, როცა ერთმანეთში რაღაცა მიზეზები უნდა ვეძიოთ, თუ ვინ უფრო ცუდია ერთმანეთზე. მთავარი პრობლემა ამ ქვეყანის არის ივანიშვილის პარტია.

ამიტომ მინდა ყველას ვთხოვო და მოვუწოდო, რომ რამენაირად ამ საარჩევნო პერიოდში შეწყდეს ეს ურთიერთთავდასხმები, მით უმეტეს, დამოუკიდებელ მედია საშუალებებზე, რომლებიც ისედაც რთულ ვითარებაში ოპერირებენ და ძალიან მძიმე მდგომარეობაში არიან ჟურნალისტები, ოპერატორები, ყველა ტელევიზიები აბსოლუტურად და უსამართლო რაღაც ბრალდებებს, დაუსაბუთებელს ნუ წავუყენებთ ერთმანეთს.

ვფიქრობ, რომ ახლა არის, როგორც მინიმუმ იმ საერთო მიზნის გარშემო გაერთიანების დრო, რასაც ჰქვია ივანიშვილის პარტიისგან თავისუფალი საქართველო და დასაქმება, როგორც მთავარი იდეა.

ამიტომ, რაც ნაკლები იქნება კამათი, ყველას გვაქვს რაღაც რაც არის კარგი ჩვენთვის, მოდი ეს კარგი დავინახოთ, ეს კარგი ძალები გავაერთიანოთ, იმისთვის, რომ საბოლოო გამარჯვება ხალხს მოვუტანოთ“, – განაცხადა გიორგი ვაშაძემ.

ავტორი
მარიამ ხაჩირაშვილი