“ყოველთვის ფრთხილად უნდა შევხედოთ კონფორმიზმის შემთხვევებს – ასჯერ გავზომოთ და ერთხელ გავჭრათ” – იაგო კაჭკაჭიშვილი

კომფორმიზმთან დაკავშირებით თავის პოზიციას აფიქსირებს და განმარტებებს აკეთებს სოციოლოგიის დოქტორი იაგო კაჭკაჭიშვილი:

“შეუძლებელია, საზოგადოების მეტ-ნაკლებად აქტიური წევრი იყო და რაიმე დოზით კონფორმისტი არ გახდე. პრობლემა კონფორმიზმის ხარისხშია და იმაში, რა ეწირება მსხვერპლად შენს კონფორმისტობას. სრული ნონკონფორმისტობა, უარეს შემთხვევაში, რეტრიტისტად (სოციალიზაციიდან ამოვარდნილად, „ბომჟად“) გაქცევს, ან, უკეთეს შემთხვევაში, დისიდენტად. „ბომჟობიდან“ დისიდენტობამდე მანძილი შორია, მაგრამ შვება არცერთს არ მოაქვს.

აქლემის ქურდი და ნემსის ქურდი ორივე ქურდია აბსოლუტური მორალის მიხედვით, მაგრამ სოციალური მორალი ნემსის ქურდს აქლემის ქურდს უპირისპირებს – მეორეს ეწინააღმდეგება, ხოლო პირველს ეგუება და შეიძლება წაახალისოს კიდეც.

ასე რომ, ყოველთვის ფრთხილად უნდა შევხედოთ კონფორმიზმის შემთხვევებს – ასჯერ გავზომოთ და ერთხელ გავჭრათ“, – წერს ფეისბუქის პირად გვერდზე იაგო კაჭკაჭიშვილი.