სააგენტო ,,პარალელთან” ინტერვიუში, სტუდენტური მოძრაობა ,,ნაბიჯის” ერთ-ერთი დამფუძნებელი, ლუკა ჭოხონელიძე კომენტარს აკეთებს დღეს მიმდინარე აქციასთან დაკავშირებით, რომლის მიზანიც, მათი თქმით, ირაკლი კობახიძისთვის წარსულის შეხსენებაა:
,,აქცია ბუნებრივია, როდესაც პარლამენტის თავმჯდომარის სკამში გავრილოვის ჩამსმელი ადამიანი გვევლინება პრემიერად. ეს შემთხვევა უკვე მეორეა ამ ქვეყანაში – გახარიამ დაარბია ხალხი, მაკო გომურს თვალები დათხარა, გადადგა შინაგან საქმეთა მინისტრობიდან და მოგვევლინა პრემიერად, ფაქტობრივად იგივე წრეზე ვტრიალებთ.
ასე, რომ ირაკლი კობახიძის ამ ისტორიულ შენობაში შესვლის შემდეგ, ახალგაზრდები მოვედით ბუნებრივი პროტესტით, რადგან მიუღებელია. იქ ვიდექით 20 ივნისსაც და ყველა იმ აქციაზე ვიდექით, სადაც ადამიანებს ფიზიკურად შეეხნენ, მარტიდან დაწყებული 20 ივნისით დასრულებული.
რაც შეეხება იმას, განვითარდება თუ არა ქვეყანა ეკონომიკურად კობახიძის პრემიერ-მინისტრობის პერიოდში, მანამ სანამ ბიძინა ივანიშვილი იქნება ხელისუფლებაში და შემდგომ ან საპატიო თავმჯდომარედ დაბრუნდება და გვევლინება თითქოს პარტიის რაღაც ღმერთად, მანამდე არაფერი არ შეიცვლება ამ ქვეყანაში; სანამ ბიძინა ივანიშვილი და მისი საცეცები არ მოშორდება ქართულ ხელისუფლებას, მანამდე ეს პრობლემა ეკონომიკურიც, ადამიანების უფლებების დარღვევაც, ადამიანების გამოსახლებებიც და სხვა ნებისმიერი გაგრძელდება და შეუქცევად პროცესებამდე მიგვიყვანს, ეს ბუნებრივი ამბავია .
ასე, რომ კობახიძე იქნება, ირაკლი ღარიბაშვილი იქნება, გიორგი გახარია იქნება თუ სხვა ნებისმიერი ეს ფაქტს და მოცემულობას არ ცვლის’’, – განაცხადა ლუკა ჭოხონელიძემ.
ავტორი
მარიამ ხაჩირაშვილი
