“ბიძინა ივანიშვილი მოგვევლინა წამგლეჯად, გადამგდებად, წამღლეტად და სოციალური უთანასწორობის ისეთი სისტემის შემქმნელად, როგორიც კაცობრიობის ისტორიას ჯერ არ უნახავს” – შალვა ნათელაშვილი

,,ლეიბორისტული პარტიის“ თავმჯდომარე, შალვა ნათელაშვილი საგანგებო ბრიფინგზე განცხადებას აკეთებს წართმეული ქონების დასაბრუნებელი კომისიის შექმნის საკითხთან დაკავშირებით:

,,ძვირფასო მეგობრებო, ყველას კარგად ახსოვს ოლიგარქის დაპირება სამართლიანობის აღდგენაზე, წართმეულის დაბრუნებაზე, სოციალური კეთილდღეობის დამყარებაზე. ეს ყველაფერი დამთავრდა იმით, რომ თვითონ მოგვევლინა წამგლეჯად, გადამგდებად, წამღლეტად და სოციალური უთანასწორობის ისეთი სისტემის შემქმნელად, როგორიც კაცობრიობის ისტორიას ჯერ არ უნახავს.

,,ლეიბორისტული პარტია“ ქმნის წართმეული ქონების დასაბრუნებელ კომისიას, მათ შორის, დაზარალებული ბიზნესმენების მონაწილეობით. ხელისუფლების შეცვლისთანავე ყველაფერი წართმეული – ბიზნესს, სახელმწიფოს, ხალხს და საზოგადოებას, ივანიშვილის მიერ, უკლებლივ დაუბრუნდება პროცენტებით, რადგან მან მერე პროცენტებში და მოგებაზე დასვა ჩვენგან წაღებული მთელი ეს ქონება“, – განაცხადა შალვა ნათელაშვილმა.

ავტორი
ნინი ხიჯაკაძე