საქართველოს პრემიერ-მინისტრობის კანდიდატი, ირაკლი კობახიძე ჟურნალისტებთან კომენტარში პოზიციას აფიქსირებს აფიქსირებს 2024 წლის საპარლამენტო არჩევნებისთვის მმართველი პარტიის მოლოდინებთან დაკავშირებით:
,,საბოლოო ჯამში, ჩვენი ამოცანა არის ის, რომ რადიკალურმა ოპოზიციამ რაც შეიძლება ნაკლები მანდატი მიიღოს შემდეგ პარლამენტში. ჩვენი სურვილია მივიღოთ საკონსტიტუციო უმრავლესობა.
ბოლო კვლევების მიხედვით, 60%-თან ახლოს არის ჩვენი რეიტინგი – შესაბამისად, ამის ძალიან კარგი შანსი გვაქვს.
ასევე, მნიშვნელოვანია, რომ რაც შეიძლება ნაკლები რადიკალური ოპოზიციური პარტია შევიდეს პარლამენტში. ამის ყველანაირი რესურსი არსებობს.
შესაბამისად, გვაქვს ძალიან კარგი სასტარტო პოზიციები იმისათვის, რომ ამ საპარლამენტო არჩევნებში ჩვენ საკონსტიტუციო უმრავლესობა მივიღოთ.
დავაზუსტებ – საკონსტიტუციო უმრავლესობაში ვგულისხმობ 113 მანდატს და არა 100-ს“, – განაცხადა ირაკლი კობახიძემ.
ავტორი
ნინი ხიჯაკაძე
