სოციალურ ქსელში ემოციურ პოსტს აქვეყნებს ქართველი ოპოზიციონერი პოლიტიკოსი, უკრაინაში მებრძოლი კობა ხაბაზი:
“სიყვარული ყოვლისმომცველია, დროში და სივრცეში შეუზღუდავი, მისით სუნთქავ, მისით ცოცხლობ, ყველაგან მას ეძებ და ის ყველგან არის.
გადავდივარ უკრაინის ერთი ქალაქიდან მეორეში, შევცქერი დათოვლილ ნაძვის ხეებს, მზის ფანტასმაგორიულ ნათებას, გული გამალებით მიცემს, ასე მგონია ბაკურინისკენ მიმავალ გზაზე ვარ, უსაშველოდ მშობლიური პეიზაჟის განცდა მაქვს, ასე მგონია მოსახვევის შემდეგ ბაკურიანი გამოჩნდება…
მანქანა გავაჩერე, მდინარესთან ჩავედი, ცოტა დავიბენი, ეს ხომ რიკოთია, იქაურობა სწორედ ასეთია… ფერდობთან შევჩერდი… ღმერთო ეს ჩემს აჭარას ჰგავს, შაშვის გადაფრენას ველოდები სულგანაბული…
ჩემო საქართველო, ჩემი სუნთქვა გენაცვალა, შენ ყველგან ჩემთან ხარ, ჩემში ხარ და იქნები უკუნითი უკუნისმდე.
არა, ბოროტება უნდა დამარცხდეს, არ შეიძლება ეს სილამაზე იბომბებოდეს, ოკუპანტს, მტარვალს აქ არაფერი ესაქმება, ეს ხომ ჩემი უკრაინაა, აქ ხომ ჩემში ჩაჭდეული ჩემი საქართველოა“, – წერს ფეისბუქის საკუთარ გვერდზე კობა ხაბაზი.
