“მთავარი არხის” დამფუძნებლის, პოლიტიკაში გადასულ ნიკა გვარამიას პოლიტიკურ გეგმებთან დაკავშირებით ირონიანარევ შეფასებებს აკეთებს “ტაბულა მედიას” დამფუძნებელი, ასევე პოლიტიკაში გადასული თამარ ჩერგოლეიშვილი:
“ბიძინას არჩევნებს მოვუგებთ არა ბლიცკრიგის, არამედ მარათონის ტაქტიკით.
ამას ვწერ, რომ “გვარამიას ბლიცკრიგზე” ვესაუბრო ბრიყვებს, რაღაც დროის მერე, თუ ჭკუას არ ისწავლიან და ისევ აზრს შეეკითხებიან – რამეზე.
P.S. ეგეთ პრეტენზიულ სიბრიყვეებს, ეგეთი ყეყეჩის სახით არავინ ყვება და თან ეს ბატებიც რომ უსმენენ, თითქოს ყველა წინა ბოდვაზე სამარცხვინოდ არ ასრიალებულიყო“, – წერს ფეისბუქის პირად გვერდზე თამარ ჩერგოლეიშვილი.
ინფორმაციისთვის: ნიკა გვარამია, პოლიტიკურ გეგმებზე საუბრისას, აქტივობების დაწყებასთან დაკავშირებით აცხადებს, რომ “დრო ჩვენზე მუშაობს და მე ამას სუფთა პოლიტექნოლოგიურად ვუყურებ, როგორც “ბლიცკრიგს”, სწრაფ საარჩევნო კამპანიას“.
