აშშ-ში სამუშაო ვიზიტით მყოფი, ,,გამარჯვების კოალიციის” ერთ-ერთი ლიდერი, ,,სტრატეგია აღმაშენებლის” თავმჯდომარე, პარლამენტის დეპუტატი გიორგი ვაშაძე განცხადებას აკეთებს მმართველ პარტიაში განხორციელებულ საკადრო ცვლილებებთან დაკავშირებით.
ოპოზიციონერ ლიდერს მიაჩნია, რომ “ქართული ოცნების” საპატიო თავმჯდომარე, ბიძინა ივანიშვილი, მიღებული გადაწყვეტილებიდან გამომდინარე, რეალობასაა აცდენილი და ვერ ხედავს ხალხის პრობლემებს:
,,ღარიბაშვილის კობახიძით ჩანაცვლებით ივანიშვილმა კიდევ ერთხელ დაამტკიცა, რომ რეალობას სრულიად აცდენილია, ვერ ხედავს ხალხის პრობლემებს. დღეს ხალხს აწუხებს უმუშევრობა, ფასების ზრდა, კატასტროფული მიგრაცია, ამ დროს კი პრემიერად ნიშნავ ადამიანს, რომელსაც არაფერი გაეგება ეკონომიკის, იცავს მხოლოდ მის პერსონალურ ინტერესებს და უფრო ეფექტურად ხელს შეუშლის საქართველოს ევროკავშირში ინტეგრაციის გზას.
გამოსავალი, რა თქმა უნდა, არსებობს – ჩვენი ერთიანობით დიდი გამარჯვება უნდა ვიზეიმოთ წელს! მოვიზიდოთ ამერიკული და ევროპული ინვესტიციები, შევქმნათ ღირსეული და მაღალანაზღაურებადი სამუშაო ადგილები. რაც მთავარია გავხდეთ ევროკავშირის სრულუფლებიანი წევრი.
მე მჯერა ამის და ამას აუცილებლად გავაკეთებთ. ძალა ერთობაშია!“, – განაცხადა გიორგი ვაშაძემ.
ავტორი
ნინი ხიჯაკაძე
