“ჩემი მხარდაჭერა ახალგაზრდა ლექტორებს, გიორგი ხასაიასა და კაკო ჩიქობავას” – გიორგი გახარია

პარტია “საქართველოსთვის” თავმჯდომარე, გიორგი გახარია ეხმაურება კეკელიძის ქუჩაზე გამოსახლების პროცესში მომხდარი ინციდენტის დროს თსუ-ს ლექტორის აკაკი ჩიქობავასა და ილიას უნივერსიტეტის დოქტორანტის, აქტივისტ გიორგი ხასაიაიას დაკავების ფაქტს და მხარდაჭერას უცხადებს მათ:

“ჩემი მხარდაჭერა ახალგაზრდა ლექტორებს, გიორგი ხასაიასა და კაკო ჩიქობავას.

ისინი დღეს საპატიმროში არიან იმ უსამართლობის გამო, რაც ქვეყანაში ხდება.

იმედი მაქვს, რომ სასამართლო ამას გაითვალისწინებს და ეს ადამიანები, რაც შეიძლება მალე, დაუბრუნდებიან კვლევით საქმიანობას და სტუდენტებს“, – წერს გიორგი გახარია ფეისბუქის საკუთარ გვერდზე.