საქართველოს პარლამენტის წევრი, ,,სტრატეგია აღმაშენებლის“ თავმჯდომარე, გიორგი ვაშაძე ჟურნალისტებთან კომენტარს აკეთებს საქართველოს მესამე პრეზიდენტის, მიხეილ სააკაშვილის მხარდამჭერ მოძრაობასთან დაკავშირებით:
,,მნიშვნელოვანი ინიციატივაა საზოგადოებრივი პირების მხრიდან, რომ მოხდეს უკრაინის ხელისუფლების პოლიტიკური წრეებისადმი მიმართვა, რომ ადამიანები, ვინც პირდაპირ სისხლის სამართლის დანაშაულს ჩადიან, შესაბამისი რეაქცია ჰქონდეს უკრაინის სამართალდამცავ ორგანოებს და ჩვენ ამას ვუერთდებით. ეს არის ძალიან მნიშვნელოვანი!
მე ერთ რამეში ვარ დარწმუნებული, წელს ქართველი ხალხი გაიმარჯვებს და ჩვენ პოლიტიკურ ანგარიშსწორებებს ჩავაბარებთ წარსულს’’, – განაცხადა გიორგი ვაშაძემ.
ინფორმაციისთვის: საქართველოს მე-3 პრეზიდენტის მხარდასაჭერად სამოქალაქო სექტორმა დოკუმენტი შეადგინა, სადაც უკრაინის ხელისუფლებას მიმართავს, მიხეილ სააკაშვილის უფლებების დარღვევების გამოვლენის მიზნით, გამოძიების ჩატარებასთან დაკავშირებით. აღნიშნულ ინიციატივას სხვადასახვა სექტორის წარმომადგენლები შეუერთდნენ და ხელი მოაწერეს
ავტორი
მარიამ ხაჩირაშვილი
