“წარმოუდგენელია მობილური ტელეფონით არჩევნებში მონაწილეობა მიიღო – ეს არის აბსოლუტურად დაუშვებელი!” – გიორგი ცაგარეიშვილი

პარლამენტის ფრაქცია ,,ქართული ოცნების” თავმჯდომარის მოადგილე, გიორგი ცაგარეიშვილი ჟურნალისტებთან კომენტარს აკეთებს იმასთან დაკავშირებით, თუ რა ფორმით შეიძლება მიიღოს საქართველოს პარლამენტის არჩევნებში მონაწილეობა საზღვარგარეთ მყოფმა საქართველოს მოქალაქეებმა:

,,საუბნო საარჩევნო კომისიების ყველანაირი შტურმი, გაუთავებელი სპეკულაცია, გაწევ-გამოწევა, შეურაცხყოფა, ურთიერთის ლანძღვა-გინება, ერთხელ და სამუდამოდ, დასრულდება!

ხოლო, საუბრები იმასთან დაკავშირებით, რომ online შეიძლება არჩევნებში მონაწილეობა, ეს არის, მე ვფიქრობ, აბსოლუტურად თავს მოხვეული.

ისინი ახლა ცდილობენ, რომ როგორმე განაწყონ ჩვენი ემიგრაცია, სამშობლოს მოწყვეტილი ადამიანები ქვეყნის, ხელისუფლების წინააღმდეგ იმ განცდით და გაგებით, რომ თითქოს ვინმეს ეკრძალება არჩევნებში მონაწილეობის უფლება.

წარმოუდგენელია მობილური ტელეფონით არჩევნებში მონაწილეობა მიიღო – ეს არის აბსოლუტურად დაუშვებელი!“, – განაცხადა გიორგი ცაგარეიშვილმა.

ინფორმაციისთვის: ცესკოს თავმჯდომარე გიორგი კალანდარიშვილმა, საარჩევნო საკითხებთან არსებულ პრობლემებსა თუ გამოწვევებთან დაკავშირებით, პოლიტიკური პარტიების ხელმძღვანელ პირებთან შეხვედრა გამართა.

ავტორი
ნინი ხიჯაკაძე